Pages

VISIT HOME PAGE

VISIT HOME PAGE
VISIT HOME PAGE

Thursday, December 16, 2010

7 kathakal

തീരുമാനമെടുക്കുമ്പോള്‍

കാക്ക മരക്കൊമ്പില്‍ വിശ്രമിക്കയാണു..എന്തൊ കൊത്തി തിന്നുമുണ്ട്.മരച്ചോട്ടില്‍ മുയലും. കാക്കേ..നീയ്യിങ്ങനെ ഒരു പണിയും എടുക്കാതെ ഇരുന്നു തിന്നുന്നു...ഭാഗ്യവാന്‍ തന്നെ.മുയല്‍ പറഞ്ഞു. അസൂയപ്പെടേണ്ട..നീയ്യും ഒരു പണിയും എടുക്കാതിരുന്നോ..
ശരിയാണു.. ഞാനും ഇനി ഒന്നും ചെയ്യാണ്ടെ ഇരിക്കും..നിനക്കു കിട്ടുമ്പോലെ എനിക്കും കിട്ടുമല്ലോ..മുയല്‍. രണ്ടു പേരും അങ്ങനെ ഇരുന്നു...
ഒരു കുറുക്കന്‍ ഈ നേരം അതു വഴി വന്നു...അനങ്ങാതെ ഇരിക്കുന്ന മുയലിനെ കണ്ടു..ഒറ്റച്ചാട്ടം..മുയലിനെ പിടിച്ചു തിന്നു...
പി.എസ്.


പണിയെടുക്കാതെ ഇരുന്നു തിന്നാന്‍ പരിപാടിഉണ്ടങ്കില്‍ ഉയരത്തു ഇരിക്കണേ.....

4 അഭിപ്രായം:


മയൂര said...
This post has been removed by the author.
മയൂര said...
ഉയര‍ത്തില്‍ ഇരിക്കുന്നവര്‍ക്ക് എന്തും ആവാലോ..:)
കുഞ്ഞന്‍ said...
ഉയരത്തിലെത്തിയവര്‍ക്ക് എന്തുമാവാം,പക്ഷെ ഉയരത്തിലെത്തുവാന്‍ മടിപിടിച്ചിരുന്നാല്‍...!
സഹയാത്രികന്‍ said...
:)

ശൈലികള്‍ ഉണ്ടാവുന്നതു

പണ്ട്...പണ്ട്
അമ്പലമുറ്റത്തു കുരങ്ങന്മാരുടെ സംഘം എന്നും ഉണ്ട്..
പൂജ കഴിഞ്ഞാല്‍ നിവേദ്യച്ചോറു എന്നും സുലഭം.
നല്ല ചൂടുള്ള ചോറു ചെമ്പു നിറയെ..
എല്ലാ കുരങ്ങന്മരും ചുറ്റും കൂടും.
ചോറു കാണുമ്പോഴേ എല്ലാര്‍ക്കും വയില്‍ വെള്ളം ഊറും..
തൊട്ടുനക്കും....ചൂട്...ഹൊ...ഹൊ..കൈനക്കും...
തന്തകുരങ്ങന്മര്‍ കുട്ടിക്കുരങ്ങന്മാരെക്കൊണ്ടു ചോറു മാന്തിക്കും...
ചുടും...കരയും..
അപ്പൊ പാവം പറഞ്ഞു തന്തക്കുരങ്ങന്മാര്‍ നക്കിക്കൊടുക്കും...
കയ്യില്‍ പറ്റിയ ചോറു അകത്താക്കും...
പിന്നെയും ഇതു തന്നെ...

ഇപ്പൊഴും ഇങ്ങനെ തന്നെ ആണല്ലോ....

3 അഭിപ്രായം:



കുഞ്ഞന്‍ said...
വിദ്യാര്‍ത്ഥി രാഷ്ട്രീയം വാഴട്ടേ...!
പ്രിയ ഉണ്ണികൃഷ്ണന്‍ said...
ഇന്നത്തെ രാഷ്ട്രീയത്തിനാണിത്‌ ചേരുക...
മുരളി മേനോന്‍ (Murali Menon) said...
:))

കൂട്ടിവായന 2

പണ്ട്...
മേല്‍പ്പത്തൂര്‍ നാരായണഭട്ടതിരി നാരായണീയം എഴുതിക്കൊണ്ടിരിക്കുന്ന കാലത്തു..
പട്ടേരി പറഞ്ഞു കൊടുക്കും...ശിഷ്യന്‍ എഴുതും...അതാണു രീതി..
നരസിഹാവതാരം അവസാന ശ്ളോകം എഴുതുകയാണു..
അതു അവസാനിക്കുന്നതു ഇങ്ങനെ ആണു...

പ്രഹ്ളാദ പ്രിയ ഹേ മരുല്‍പുരപതേ
സര്‍വ്വാമയാല്‍ പാഹിമാം
പ്രഹ്ളാദ പ്രിയ ഹേ...മരുല്‍പുരപതേ.....എന്നു പറഞ്ഞുകൊടുത്തപ്പോള്‍...ഭഗവാന്‍ പട്ടേരിയോടു പറഞ്ഞു...
മേല്‍പ്പത്തൂര്‍.... ഞാന്‍ പ്രഹ്ളാദപ്രിയന്‍ അല്ല...ഭക്തപ്രിയന്‍ ആണു....

പി.എസ്
നാരായണീയം വായിക്കുമ്പോള്‍ ഇന്നും ഭഗവാന്റെ ഈ വേര്‍ഷന്‍ കൂടി വായിക്കും.

4 അഭിപ്രായം:


തുടര്‍പരിപാടി

പണ്ട്
തിരുമേനിക്കു കേസും കോടതിയും ഒരു ഹരം ആണു..
എന്തു സംഗതിക്കും ഒരു കടലാസ്സ് കോടതിയില്‍ കൊടുത്താല്‍ സമാധാനം ആയി.
വ്യവഹാര കാര്യങ്ങള്‍ക്ക് പ്രത്യേകം കാര്യസ്ഥന്‍ ഉണ്ട്..
എരേശ്ശന്‍ നായരു...കേമന്‍ ആണു കോടതിക്കാര്യങ്ങള്‍ക്കു.തെറ്റു പറ്റില്ല.
വക്കീല്‍ സ്വാമി ആയിട്ടു നല്ല ബന്ധം.
വെളിച്ചായല്‍ നിത്യദാനങ്ങള്‍ കഴിഞ്ഞാല്‍..നേരേ കോടതിയിലേക്കു പുറപെടും.
കൂടെ എരേശ്ശനും..
ന്നാലോ എരേശ്ശാ...ഇന്നേതാ...കടലാസ്സ്?
ദേവസ്വം പാട്ടം കുടിശ്ശിക ....എന്നിങ്ങനെ...വിവരിക്കും.
ഒരു ദിവസം...
എരേശ്ശാ...ഇന്നേതാ...
ഇന്നു വിധി ഉണ്ടാവും..ന്നന്ന്യാ തോന്നണു..
അതിനെന്താ...വിധി വന്നാല്‍ പിന്നെ നോക്കാനില്ല..
അപ്പീലു...മേക്കോടതിക്കു..
അവിടെനിന്നു പിന്നെയീം മേക്കോടതിക്കു...
അതിനെന്താ..പോട്ടേ അങ്ങടു..കേസ്സു നടക്കട്ടെ.
റാന്‍ ഇതങ്ങനെ അല്ല..നമ്മളു ജയിക്കും..
അതുവ്വോ...എന്നാ പിന്നെ എന്താ ചെയ്യാ ന്നു നിശ്ചയം ഇല്ല...
പരിഭ്രമിക്കണ്ടീരോ...സംശയം ണ്ടേനീം.

6 അഭിപ്രായം:


കുഞ്ഞന്‍ said...
ഹഹ..പാവം തിരുമേനി..! എത്രയോ പേര്‍ കോടതി കയറിയിറങ്ങി ജീവിതം തുലച്ചിരിക്കുന്നു...!
Sul | സുല്‍ said...
പരിഭ്രമിക്കണ്ടീരോ...സംശയം ണ്ടേനീം. കൊള്ളാം -സുല്‍
സഹയാത്രികന്‍ said...
“റാന്‍ ഇതങ്ങനെ അല്ല..നമ്മളു ജയിക്കും.. അതുവ്വോ...എന്നാ പിന്നെ എന്താ ചെയ്യാ ന്നു നിശ്ചയം ഇല്ല...“ ഹി.ഹി..ഹി... :)
പ്രിയ ഉണ്ണികൃഷ്ണന്‍ said...
നന്നയിരിക്ക്ണ്‌ ട്ടോ
മുരളി മേനോന്‍ (Murali Menon) said...
:))
വേണു venu said...
ബ്ലോഗാനിയാ എന്നു പറയും പോലെ കേസ്സാനിയാ, കോര്‍ട്ടാനിയാ എന്നഡികഷന്‍‍. നിയമത്തിന്‍റെ കൊച്ചു ഞരമ്പുകള്‍‍ കീറി അതിലൊരു രസം കണ്ടെത്തിയ ഒരു നീലാണ്ടപ്പിള്ള എന്‍റെ നാട്ടുകാരനായിരുന്നു. കലാകൌമുദിയില്‍‍ കുറേ വര്‍ഷങ്ങള്‍‍ക്കു മുന്നേ ഒരു ലേഖനം വന്നിരുന്നു. “കൊട്ടാരക്കര ബസ്സു് ‍സ്റ്റാന്‍റിനെ വിറപ്പിച്ച നീലാണ്ടപിള്ള.“ അതൊരു പോസ്റ്റിനുള്ള വിഷയമാണു്. വിസ്താര ഭയത്തിനാല്‍‍ വിവരിക്കുന്നീല്ല. ഒന്നുമില്ല.ബസ്സു് സ്റ്റന്‍ഡു ജപ്തി ചെയ്യുന്ന ഓര്‍ഡറായിരുന്നു നീലാണ്ടപിള്ളയ്ക്കു് ലഭിച്ചാതു്. അതുവ്വോ...എന്നാ പിന്നെ എന്താ ചെയ്യാ ന്നു നിശ്ചയം ഇല്ല.. പുതിയ കേസ്സിങ്ങനെ വറ്റും തിരുമേനി.:)

സുരക്ഷ

പണ്ട്...പണ്ട്...
പോര്‍ച്ചുഗീസുകാര്‍ കേരളം കുറേശ്ശയായി കീഴ്പ്പെടുത്തുന്ന കാലം...
ചെറിയ...വലിയ..യുദ്ധങ്ങള്‍ നടക്കുന്നു...
തറവാടുകളില്‍ ചെന്നു അക്രമിക്കാന്‍ പോര്‍ച്ചുഗിസുകാര്‍ക്കു...ഭയം..
കാരണം.ഓരോ തറവാടുകളിലും..(ചെറിയ വീടുകളിലും)
വീട്ടിനകത്തു വലിയ പീരങ്കികള്‍ ഉണ്ട്.
പീരങ്കിക്കുഴല്‍ ചുമരിനു പുറത്തേക്കു കാണാം..സൂക്ഷിക്കണം...
ചെറിയ വീടുകളില്‍ ഒന്നോ രണ്ടോ കാണും..
വലിയ വീടുകളില്‍ പീരങ്കിക്കുഴല്‍ നിരകള്‍ കാണും...
ഭയക്കാതിരിക്കുന്നത്ങ്ങനെ...
ഒരു ദിവസം ഒരു പോര്‍ച്ചുഗീസ് ചാരന്‍ ഒളിച്ചു നിന്നു ഈ പീരങ്കിക്കുഴലുകള്‍ പരിശോധിക്കയായിരുന്നു...
അപ്പൊഴാണു ചാരന്റെ തലയിലേക്കു നേരേ മൂത്രം ധാരധാരയായി വന്നതു.

പഴയ വീടുകളില്‍ കരിങ്കല്ലുകൊണ്ട് നിര്‍മ്മിച്ച വലിയ ഓവുകള്‍ ഉണ്ടായിരുന്നു.(ചരിത്രം)

4 അഭിപ്രായം:

സ്ഥലസൂചന

പണ്ട്..പണ്ട്...
പുതിയ കാര്യസ്ഥന്‍ ആണു...
അതുകൊണ്ടു തമ്പുരാന്‍ കൃഷി കാര്യങ്ങളൊക്കെ നന്നായി ചര്‍ച്ച ചെയ്തേ വ്യവഹാര കാര്യങ്ങള്‍ക്കായി.പുറത്തു പോകാറുള്ളൂ..
അന്നു കന്നുപൂട്ടാന്‍ ഉള്ള കണ്ടങ്ങളും കാര്യങ്ങളും ചര്‍ച്ച ചെയ്തതാണു..
പണിക്കാരു വന്നു...കാരസ്ഥന്‍ സംഗതികള്‍ വെടിപ്പായി ഏല്‍പ്പിച്ചു..
കോരാ...ആ കൊറ്റി ഇരിക്കുന്ന കണ്ടം ആണു ഇന്നു നന്നാക്കണ്ടതു..
എല്ലാരേയും കൂട്ടിക്കോ..ഉച്ചാമ്പൊഴേക്കു നടീല്‍കാരു വരും.
കോരന്‍...സമ്മതിച്ചു.
നാലു കൂട്ടു കന്നു..കോരന്‍ ആണു മേല്‍നോട്ടം.
ഡാ..ആ കൊറ്റി ഇരിക്കുന്ന കണ്ടം നന്നാക്കണം.വേഗം നോക്കിക്കോ..
കന്നു പൂട്ടിക്കെട്ടി ഉഴാന്‍ തുടങ്ങിയപ്പൊ കൊറ്റി അടുത്ത കണ്ടത്തിലേക്കു മാറി ഇരുന്നു.
കോരന്‍ പരിഭ്രമിച്ചു..
കന്നു പൂട്ടി ക്കെട്ടിയതാണു..കൊറ്റി മാറി ഇരുന്നു...
ശരി ഡാ..എല്ലാരും ആ കണ്ടത്തില്‍ ചെല്ലു..വേഗം.
എല്ലാരും അനുസരിച്ചു...പൂട്ടാന്‍ തുടങ്ങി...
കൊറ്റി അടുത്ത കണ്ടത്തിലേക്കു മാറി ഇരുന്നു..
കോരന്‍ കാണുന്നുണ്ട്..
ഡാ...ആ കണ്ടത്തിലേക്കു...വേഗം..
കൊറ്റി കുറെ അപ്പുറത്തെ കണ്ടത്തിലേക്കു.....പിന്നാലെ കോരന്റെ പടയും... ഒടുവില്‍ കോരന്‍ തോറ്റു..കര്യസ്ഥന്‍ തമ്പ്രാനോടു പറഞ്ഞു...
തമ്പ്റാ...കൊറ്റി ഇരിക്കുന്ന കണ്ടം പൂട്ടലു വയ്യാട്ട്ളേ..

11 അഭിപ്രായം:


പി.പി.Somarajan said...
നന്നായിരിക്കുന്നു :)
Sul | സുല്‍ said...
അതു ശരിയാ:)
പ്രിയ ഉണ്ണികൃഷ്ണന്‍ said...
good humour
സഹയാത്രികന്‍ said...
ഹ ഹ ഹ...തമ്പ്രാനറിയോ കോരന്റെ വെശമം... :)
കുഞ്ഞന്‍ said...
പാവം കോരന്‍..തമ്പ്രാന്റെ കോപത്തീന്ന് രക്ഷപ്പെടുമൊ ആവൊ?
മുരളി മേനോന്‍ (Murali Menon) said...
അതു കൊള്ളാം. ഇപ്പോള്‍ പിന്നെ ഈ വക പ്രശ്നങ്ങളൊന്നുമില്ലെന്ന ഒരു സന്തോഷം ഉണ്ട് അല്ലേ,,, കൊറ്റിക്കിരിക്കാന്‍ കണ്ടമുണ്ടെങ്കിലല്ലേ?
ഏ.ആര്‍. നജീം said...
ഇത് കൊള്ളാം , പണ്ട് ഒരു കോരനോട് രാജാവ് പറഞ്ഞു "ഇവിടുന്ന് നേരേ നീ ഓടുക എത്രത്തോളം ഓറ്റി മുഴുപ്പിക്കുന്നോ അത്രയും സ്ഥലം നിനക്കുള്ളതാന്ന്" പാവം ഓടി തളര്‍ന്നിട്ടും നിക്കാതെ ഓടി അവസാനം മരിച്ചു വീണു. അത്യാഗ്രഹം നന്നല്ല, എന്ന് സൂചിപ്പിക്കുവാനാണ് ഈ കഥ. അത്തരം ഒരു കഥയായി ഇതും
അലിഫ് /alif said...
രാമനുണ്ണി മാഷിന്റെ ഈ നുറുങ്ങ് കഥ വായിച്ചപ്പോള്‍ ഓര്‍മ്മവന്ന ഒരു സംഭവകഥ കമന്റായി ടൈപ്പ് ചെയ്ത് തുടങ്ങിയെങ്കിലും വലിപ്പം കൂടിയതിനാല്‍ പോസ്റ്റ് ആക്കി ദാ ഇവിടെ, കോരന്‍ ശശിയുടെ രൂപത്തില്‍
വാല്‍മീകി said...
എന്തായാലും കോരന് കുമ്പിളില്‍ കഞ്ഞി ഉറപ്പാ...
കുട്ടിച്ചാത്തന്‍ said...
ചാത്തനേറ്: നുറുങ്ങു തമാശ കൊള്ളാം
ഹരിശ്രീ said...
നാടോടിക്കഥ നന്നായിരിയ്കുന്നു...

ഭരണം

അത്ര പണ്ടല്ല...
വാടാം തൊടി കൃഷ്ണന്‍ എന്റെ അയല്‍പക്കക്കരന്‍.
നന്നായി പണിയെടുക്കും...കുടുമ്പം നോക്കും.
വൈകുന്നേരം ഒരേഴുമണിയോടെ ആണു പണിമാറ്റി വരവ്...
നാലുകാലില്‍...ചിലപ്പോ അന്‍ചു കലില്‍ (ഒരുവടിയുംകുത്തി).
വന്നാല്‍ പിന്നെ വീട്ടില്‍ നല്ല ബഹളം ആണു..
ഭാര്യയേ നല്ലശീലം പഠിപ്പിക്കല്‍ അപ്പൊഴാണു..ആദ്യം ഉപദേശിക്കും...(ഒരക്ഷരം ആര്‍ക്കും മനസ്സിലാവില്ല) പിന്നെ ചീത്ത പറയും..പിന്നെ പേടിപ്പിക്കും...പിന്നെ അടി...പൊതിരെ കിട്ടും...കുട്ടികള്‍ക്കും..
(സംഗതി ശാസ്ത്രീയം ആണു...സാമ..ദാന...ഭേദ...ദണ്ഡ....)
ബഹളം സഹിക്കാതെ ആവുമ്പോള്‍ ഞങ്ങള്‍ അയല്‍പക്കക്കാര്‍ ഇടപെടും...
വേലിക്കല്‍ ചെന്നു...കൃഷ്ണാ....എന്നു വിളിച്ചാല്‍ മതി...
അന്തരീക്ഷം ശാന്തം..
പിന്നെ പരാതി ആണു...
അകോരാത്രം പാട്ട്ട് പണിയെടുത്തു അന്ത്യാമ്പൊ
ഇള്ള കഞ്ഞിവെള്ളം കുടിച്ചു കെടക്കാം ന്നു വെച്ചാ..
അപ്പൊ തൊടങ്ങും പട്ടാളോം പോലീസ്സും.
പട്ടാളോം പോലീസ്സും.
(ഇതു ഒരുമാതിരി കരച്ചിലിന്റെ ഈണത്തില്‍ ശബ്ദം താഴ്ത്തി ഞങ്ങള്‍ കേള്‍ക്കാന്‍ പാകത്തില്‍ ആവും) എല്ലാം ശാന്തം....എല്ലാരും കൂടി തേങ്ങുന്നതു കുറച്ചു നേരം കൂടി കേള്‍ക്കാം...ഉറക്കം...

8 അഭിപ്രായം:


LOGROLL said...
Dear my friend! Love is giving. When you give more, you get more. Why don't you use your blog a bit different way? Making Money While Surfing The Web! Interested? Please log in to http://kwksdvmsl.blogspot.com It's FREE. First join it, and keep giving it away. That's all you have to do. You'll be glad what you did it. Good Luck!
മുരളി മേനോന്‍ (Murali Menon) said...
മാഷേ, ഇതുപോലെ ഒരനുഭവം എന്റെ അയല്‍‌വക്കത്ത് സ്ഥിരം നടക്കാറുണ്ടായിരുന്നു. ഇതിലെ നായകന്‍ കൂലിപ്പണിക്കാരനായിരുന്നില്ല, ഒരു ഹോമിയോ ഡോക്ടര്‍. പക്ഷെ രാത്രിയാ‍യാല്‍ മൂക്കറ്റം കുടിച്ച് വന്ന് ഭാര്യയെ പിടിച്ചു തല്ലുക എന്നതാണു ശീലം. സിനിമയിലൊക്കെ കാണുന്നതുപോലെ സംശയരോഗത്തിന്റെ ആശാനായിരുന്നു. ഒരിക്കല്‍ സാധാരണയില്‍ കവിഞ്ഞ നിലവിളിയില്‍ ഞങ്ങള്‍ ഇടപെടാന്‍ ബാദ്ധ്യസ്ഥരായി. അന്ന് ഞാന്‍ കോളേജില്‍ പഠിക്കുന്ന സമയം. ചെന്ന ഞങ്ങള്‍ക്കൊക്കെ പുളിച്ച തെറിയായിരുന്നു കിട്ടിയത്. പക്ഷെ ഞങ്ങളുടെ മുന്നില്‍ വെച്ചും ഡോക്ടര്‍ ഭാര്യയെ തല്ലിക്കൊണ്ട് ചോദിച്ചു, ആരെടാ എന്നെ തടുക്കാനെന്ന്. ആ സ്ത്രീയുടെ കഴുത്തില്‍ ഞെക്കിപ്പിടിച്ചുകൊണ്ടാണു ചോദ്യം, അവര്‍ ഞങ്ങള്‍ നാട്ടുകാരെ ഇടപെടാനായ് വിളിച്ചു കരഞ്ഞുകൊണ്ടിരിക്കുന്നു. എന്റെ കണ്ട്രോള്‍ പോയി എന്നു പറഞ്ഞാല്‍ മതിയല്ലോ, ഞാന്‍ ചെന്ന് കുനിച്ചു നിര്‍ത്തി നാലു പൂശു കൊടുത്തപ്പോള്‍ അയാള്‍ ഉറക്കെ കരയാന്‍ തുടങ്ങി. അപ്പോള്‍ അതുവരെ സഹായത്തിനായ് അപേക്ഷിച്ചിരുന്ന ഭാര്യ നേരെ ഞങ്ങളുടെ നേരെ തിരിഞ്ഞ് ചീത്ത പറയാന്‍ തുടങ്ങി. ഒന്ന് പിടിച്ചു മാറ്റാന്‍ പറഞ്ഞതിന് എന്റെ ഭര്‍ത്താവിനെ ഇടിച്ച് പഞ്ചറാക്കാന്‍ നിന്നോടാരാ പറഞ്ഞത്, കടന്ന് പോടാ വീട്ടീന്ന്. എങ്ങനെയുണ്ട്.... അപ്പോള്‍ ഓരോ ജീവിതങ്ങള്‍........അല്ലേ
നിഷ്ക്കളങ്കന്‍ said...
മുര‌ളിയേട്ടന്റെ ഓരോ പാടേ..:) കാര്യം വരുമ്പോ‌ള്‍ ചക്കീം.....
വേണു venu said...
ഒന്നു ജീവിച്ചു പോകാനും സമ്മതിക്കില്ല, ഈ പട്ടാളോം പോലീസ്സുമൊക്കെ.:)
സഹയാത്രികന്‍ said...
എന്റെ മുരളിയേട്ടാ.. വല്ല ആവശ്യൊണ്ടാ... രാമനുണ്ണി മാഷ് ചെയ്ത നോക്ക്യേ... കൃഷ്ണാ‍ാ...ഒരൊറ്റ വിളി... സംഗതി ശാന്തം.. ഇനി ശാന്തായില്ലാച്ചാല്‍ വന്ന് കിടന്നുറങ്ങണം... :)
ധ്വനി said...
ഹഹ!! നല്ല പോസ്റ്റ്. എന്റെ അയല്‍പക്കത്തെ അന്തോണി ചേട്ടന്‍; ഡീ തൊഴുത്തു കഴുകെഡീ;തൊഴുത്തു കഴുകെഡീ എന്നാ 6 മുതല്‍ പത്തു വരെ പറഞ്ഞിരുന്നത്.
മൂര്‍ത്തി said...
അവസാനം കൊല്ലനും കൊല്ലത്തിയും ഒന്നാവും എന്നല്ലേ? :)
രാജീവ് ചേലനാട്ട് said...
കേട്ടുപഴകിയ കഥ. എങ്കിലും എത്ര മനോഹരമായിട്ടാണ് അവതരിപ്പിച്ചിരിക്കുന്നത് മാഷേ...മറ്റൊന്നും പറയാനില്ല. ആ വീട് ഒന്ന് സങ്കല്‍പ്പിച്ചുനോക്കുകയാണ് ഞാന്‍. ആ പാവം വീട്ടുകാരേയും.

വായന

പണ്ട്...
മുത്തശ്ശി രാമായണം വായിക്കയാണു..
ഉറക്കെ ആണു വായന..
എന്നും ഉണ്ട്..
എന്തിനാ ഇങ്ങനെ ഉറക്കെ വായിക്കണതു..ക്ഷീണിക്കില്ലേ...
മുത്തശ്ശിയുടെ വിശദീകരണം....
രാമയണം ഉറക്കെ വായിക്കണം...നമ്മളു വായിക്കണതു പക്ഷിമൃഗാദികളും വൃഷങ്ങളും കേള്‍ക്കുന്നുണ്ട്..അവര്‍ക്കു വായിക്കാന്‍ വയ്യല്ലൊ.. അവര്‍ക്കു വേണ്ടി നമ്മള്‍ ഉറക്കെ വായിക്കണം.
രാമായണം കേട്ട് അവര്‍ക്കും മോക്ഷം കിട്ടും..
ഒക്കെ ജീവന്‍ തന്നെ അല്ലെ.

6 അഭിപ്രായം:


ഫസല്‍ said...
രാമായണം കേട്ട് അവര്‍ക്കും മോക്ഷം കിട്ടും
കുഞ്ഞന്‍ said...
അവര്‍ക്ക് അവരുടേതായ രാമയണം ഉണ്ടെങ്കില്‍...!
സഹയാത്രികന്‍ said...
:)
ഏ.ആര്‍. നജീം said...
വിശ്വാസം രക്ഷിക്കും..രക്ഷിക്കട്ടെ, :)
പ്രിയ ഉണ്ണികൃഷ്ണന്‍ said...
അങ്ങനെ വിശ്വസിക്കുന്നു
മയൂര said...
ഒക്കെ ജീവന്‍ തന്നെ അല്ലെ...:)